Caboverdiana Atxadu Abandonadu na Rua la Espanha : Sem Nome e Sem Memória
Um jovem ki sta pensado ma el é de ilha de Santiago sta passa pa dificuldades na cidade de Marbella ki ta fika na Spanha. Segundo emigrante Carlos “Calutcha” Pereira, konta, es jovem foi supostamente violado na rua, é sufri maltrato e é foi usadu pa um rede de narcotraficantes. Possivelmente pamodi tudu keli ki é passa, dja afecta si memória, ao ponto de nem é ka sabe mas kual ki é se nome.
“É ka sta lembra de nada, nem si nome e nem kenha ki é si família. Sta atxadu ma é txiga na cidade de Marbella de autocarro ki ben de Lisboa e que deve ser que ela é de ilha de Santiago”, si ki Calutcha, xplika kantu é contacta jornal MindelInside na pidi pa divulga es caso, pa odja si alguen ta konxi es jovem ki possivelmente ten idade de vinte e poku anu.
Segundo Calutcha, dja ten um anu ki um espanhola atxa es menina na rua. Espanhola resolve cuida del, jovem sta recebe tratamento na hospital devido problemas mental ki é teni. É dificil fala ku el pamodi é perde memória, dje skeci ti di modi ki ta papiadu kriolu.
Kenha ki konxi es jovem?
