Parabéns pâ ês kasal BALLA ki uji ês fazê 17 ano di kasadu. Ês puema êh didikadu pa êzi.

NÔS AMOR

Nôs amor êh diferenti

Di ôtu's amor ki sta pra li

Nôs êh grandi konfidenti

An tâ kuida di bô ibô tanbé di mi

Nôs amor êh kuma vinhu

Kantu mâ's bedju êh mâ's gôstozu

Assi kêh mi ku bô i ku serteza

Ki Nhôrdês di sêu tâ bensua nôs amor

Kâten segredu nè'n mentira

Ten b'ês ki nu ta briga mâ êh natural

Ku'n beju tudu tâ kalma

Ki tâ bira nôs dô's nu tâ volta natural

Nôs amor êh taun bunitu

Kuma strela ki ta brilha nà sêu

Ami êh bu paxonadu i bô êh nhá amada

Nhá paun di mel ki'n tâ dora

Nôs amor êh di korpu alma i kurasaun

Êh fogu in braza êh ardenti

Êl ta limenta ês nôs paixaun

Nôs amor êh assi sima dô's dolescenti

Nhá paun di mel nôs amor êh

Di korpu alma i kurasaun

Ami êh fetu pâ bô i bô pâ mi

Nôs amor êh fogu in braza êh ardenti

Totoi Di Gunai

14.02.2025